Get Adobe Flash player
  • Diapo Photo
  • Diapo Photo2
  • Diapo Photo3
  • Diapo Photo4
  • Diapo Photo5
  • Diapo Photo6
  • Diapo Photo7

Actualités

  • MATOAN-DAHATSORATRA
    MATOAN-DAHATSORATRA
    Read more
  • FAMPIOFANANA AMIN’NY FAMOLAHANA OMBY
    FAMPIOFANANA AMIN’NY FAMOLAHANA OMBY
    Read more
  • IRAY AINA POUR LE DEVELOPPEMENT
    IRAY AINA POUR LE DEVELOPPEMENT
    Read more
  • CEFOTAM Famoahana ny andiany TSELATRA
    CEFOTAM Famoahana ny andiany TSELATRA
    Read more
  • ZAIKA FANILO/FBL/SPAM ANDIANY FAHAROA TAO AMIN’NY  FLM AMPITATAFIKA
    ZAIKA FANILO/FBL/SPAM ANDIANY FAHAROA TAO AMIN’NY FLM AMPITATAFIKA
    Read more
  • TSENABEN’NY TANTSAHA FTMTK ANKAZOMIRIOTRA
    TSENABEN’NY TANTSAHA FTMTK ANKAZOMIRIOTRA


    Read more
  • FIARAHA-MIENTANA EO AMIN’NY AFAAF  SY NY SEFAFI  FIHAONANA
    FIARAHA-MIENTANA EO AMIN’NY AFAAF SY NY SEFAFI FIHAONANA
    Read more
  • FIHAONAMBE nasionalin’ny FANILO  faha III
    FIHAONAMBE nasionalin’ny FANILO faha III
    Read more
  • MERISON  Serge Filoha mitarika ny Réseau FARMADA
    MERISON Serge Filoha mitarika ny Réseau FARMADA
    Read more

ZAIKA FANILO/FBL/SPAM ANDIANY FAHAROA TAO AMIN’NY FLM AMPITATAFIKA

Tao amin’ny FLM Ampitatafika Synodam-Paritany Avaratr’i Mania (SPAM) no nanatanterahana ny zaikan’ny Fampandrosoana anivon’ny Loterana (FANILO) sy ny Fikambanam-behivavy Loterana (FBL), andiany faharoa ny 27 hatramin’ny 30 jolay 2017 lasa teo. Fihaonam-be fanao isan-taona. An’arivony maro no mpizaika tonga nanatrika ny fotoana avy amin’ny fileovana, fitandremana, fiangonana mirafitra ao anatin’ny SPAM. Nofidina ho teny faneva tamin’izany ny Romana 1:17 « Ny marina amin’ny finoana no ho velona ».
Nisy ny fotoam-pivavahana notanterahana nandritra ny 4 andro. Tao anatin’izany no nandraisan’ny mpizaika ny hafatry ny tenin’Andriamanitra nataon’ny Pastora. Nisy ihany koa ny fampianarana Soratra Masina sy lahateny ary famelabelaran-kevitra arahana ady hevitra araka ny lohahevitra hoe: «Rano fidiovana sy fanadiovana ary ny fananan-tany sy ny manodidina azy».
Ankoatra izany, mpivarotra sakafo sy kojakoja ilaina amin’ny andavanandro dia anisan’ny nampiavaka ny fivoriana ny fisian’ny tranoheva nanaovana fampirantiana ka nahafahan’ny mpizaika nahazo torohevitra ary fampianarana tao anatin’ny fitsidihana. Anisan’ny nandray anjara tamin’ny fampirantiana ny BIMTT, SAF/FJKM, FAFAFI sy FANILO SPAM, CSA, FDA, CFAMA, Sekoly Tombontsoa, FANILO/FBL Ampitatafika, FBL Soanindrariny, Telma. Samy niezaka nampiseho ny maha izy azy ny  mpandray anjara tsirairay ary nanome fahafaham-po ho an’ny  mpitsidika tamin’ny tolotra nentin’izy ireo.

Fifaninanana sy fanentanana hafa
Nandritra ny zaika,  nisy ny fifaninanana maro samihafa nahafahan’ny rehetra nandray anjara. Tao anatin’izany ny fifaninana Soratra Masina (Bokin’ny Romana), fifaninana hira lesona (Hira 500 FFPM), ary ny karazana fifaninanana hafa toy ny karaoke, baolina kitra, daomy, tsipy kanetibe ary fanorona.
Nisy ny famorana faobe ho an’ny zazalahy kely sy ny fitsirihana ny aretina diabeta ho an’ny olona rehetra izay liana tamin’izany. Ny sehatry ny fahasalamana dia niarahana niasa tamin’ny AMADIA Antsirabe.

Anisan’ny nanokatra ny zaika teto anivon’ny SPAM ny FANILO/FBL tamin’ity taona 2017 ity  hetsika ity. Hifandimby manaraka kosa ny an’ireo sampana hafa rehetra, izay fihaonana fanao isan-taona eo anivon’ny FLM/SPAM.

Nombàna/ SAF Antsirabe