Get Adobe Flash player
  • Diapo Photo
  • Diapo Photo2
  • Diapo Photo3
  • Diapo Photo4
  • Diapo Photo5
  • Diapo Photo6
  • Diapo Photo7

Actualités

  • MATOAN-DAHATSORATRA
    MATOAN-DAHATSORATRA
    Read more
  • FAMPIOFANANA AMIN’NY FAMOLAHANA OMBY
    FAMPIOFANANA AMIN’NY FAMOLAHANA OMBY
    Read more
  • IRAY AINA POUR LE DEVELOPPEMENT
    IRAY AINA POUR LE DEVELOPPEMENT
    Read more
  • CEFOTAM Famoahana ny andiany TSELATRA
    CEFOTAM Famoahana ny andiany TSELATRA
    Read more
  • ZAIKA FANILO/FBL/SPAM ANDIANY FAHAROA TAO AMIN’NY  FLM AMPITATAFIKA
    ZAIKA FANILO/FBL/SPAM ANDIANY FAHAROA TAO AMIN’NY FLM AMPITATAFIKA
    Read more
  • TSENABEN’NY TANTSAHA FTMTK ANKAZOMIRIOTRA
    TSENABEN’NY TANTSAHA FTMTK ANKAZOMIRIOTRA


    Read more
  • FIARAHA-MIENTANA EO AMIN’NY AFAAF  SY NY SEFAFI  FIHAONANA
    FIARAHA-MIENTANA EO AMIN’NY AFAAF SY NY SEFAFI FIHAONANA
    Read more
  • FIHAONAMBE nasionalin’ny FANILO  faha III
    FIHAONAMBE nasionalin’ny FANILO faha III
    Read more
  • MERISON  Serge Filoha mitarika ny Réseau FARMADA
    MERISON Serge Filoha mitarika ny Réseau FARMADA
    Read more

TSENABEN’NY TANTSAHA FTMTK ANKAZOMIRIOTRA

Ny 12 sy 13 jolay 2017 lasa teo no nanatanterahana ny « Tsenaben’ ny Tantsaha » izay sehatra ifanakalozana sy ihaonan’ny tanora katolika na FTMTK (Fivondronan’ny Tanora Malagasy Tantsaha Katolika), tao amin’ny Distrika Ankazomiriotra, Kaominina Ankazomiriotra.Nanatrika ny fotoana ny olom-piangonana avy amin’ny diosezy, ny olom-panjakana avy amin’ny distrika, ny mpiantsehatra amin’ny fampandrosoana ny tontolo ambanivohitra, niaraka tamin’ny tanora FTMTK avy ao Ankazomiriotra sy ny manodidina.
Fotoam-pivavahana no nentina nanokafana ny foara. Taorian’izany, nisy ny fandraisam-pitenenana nataon’ny Pretra solontenan’ ny Eveka, Pretra Omonié ny FTMTK Diosezy. Ben’ny tanàn’Ankazomiriotra, izay namelabelatra ny tanjon’ny foara ary ny hafatra ho an’ny tanora tantsaha.
Maro ny mpandray anjara tamin’ny fampirantiana. Ka anisan’izany ny: Pépinière d’Antsirabe, ADES, CSA, FDA, FTMTK Diosezy Antsirabe, OtivTana, Assurance NY HAVANA, CECAM, BIMTT, SAF/FJKM, FAFAFI SPAM, CARITAS, ZOB, FOFIFA, CFP Créafort, Orange, Guanomad, Accès Banque Madagascar.
Samy naneho ny maha-izy azy avokoa ny mpiantsehatra nandray anjara. Sady nampahafantatra ny asa ataon’ny tsirairay ny mpandray anjara. Nasongadina tamin’izany ny lafiny azo hanampiana ny tanora eo amin’ny sehatra fampandrosoana sy ny fivelarana amin’ny maha-olona eny amin’ny tontolo ambanivohitra. Ary nomen-danja ny fifandraisana amin’ny tontolo an-drenivohitra.
Ny tranohevan’ ny BIMTT no niarahana nampiranty ny asa atao sy nanehoana ny fahizian’ny SAF/FJKM sy ny FAFAFI SPAM. Nampiavaka ny SAF/FJKM ny sehatra famatsian-drano fisotro madio, fanadiovana sy fidiovana izay nahaliana ny tanora maro. Indrindra ny fanentanana tsotra azo natolotra avy hatrany teny an-toerana toy ny fitantanana ny fahadiovana mandritra ny fadimbolana.Toa izany koa ny sehatra fanjarintsakafo, ny kabone ara-pahasalamana, ny fanadiovan-drano amin’ny alalan’ny SODIS. Ny BIMTT sy ny FAFAFI SPAM kosa dia niompana tamin’ny sehatry ny fambolena izay nanampy ny tantsaha tamin’ny fivarotana masomboly sy zezika ary boky torolalana isan-karazany.
Nisy ny fanentanana sy fifaninanana maro samihafa ary famelabelaran-kevitra narahana fanontaniana natokana manokana ho an’ny tantsaha. Niompana tamin’ny lohahevitra hoe: “Tekinikam-pahombiazana ho amin’ny seha-piharian’ny tantsaha” ny valan-dresaka. Nitondra ny famelabelarana ny solontena avy amin’ny ADES, CSA, FRDA. Navohitra tao anatin’izany fa ny tekinika mahomby ho amin’ny fambolena sy fiompiana dia ny fampiasana masomboly sy masombiby(taranaka biby fiompy) tsara kalitao ary ny fampiharana ny tekinikam-pambolena sy fiompiana azo avy amin’ny fiofanana maro samihafa. Ny fikajiana ny tontolo iainana amin’ny alalan’ny tsy fanimbana ny hazo koa dia tetika hahombiazan’ny tantsaha, satria ho betsaka ny ala ary ho voafehy ny firindran’ny fiovaovan’ny toetr’andro. Ka hihatsara ny fambolena, kalitaon’ny vokatra ary ny habetsahany.


Nombàna/ SAF Antsirabe